டெனிஸ் மிர்சா ஒரு பார்வை ........................

விளையாட்டு துறை பத்திரிகையாளரான இம்ரான் மிர்சாவிற்கும் தாயாகிய நசிமாவிற்கும் மும்பையில் சானியா மிர்சா பிறந்தார். அவர் ஹைதராபாதில் ஒரு ஷியா முஸ்லிம் குடும்பத்தில் வளர்க்கப்பட்டார்.மிர்சா தனது ஆறாம் வயதில் டென்னிஸ் விளையாடத் தொடங்கி 2003ம் ஆண்டு டென்னிஸ் விளையாட்டை தொழிலாக்கிக் கொண்டார்.
அவர் தனது தந்தையாலும் மற்றும் அவரது குடும்ப உறுப்பினர்களாலும் டென்னிஸ் விளையாட்டில் பயிற்சி அளிக்கப்பட்டார். அவர் முதலில் ஹைதராபாதில் உள்ள நாசிர் பள்ளியில் படித்து பின்னர் செயின்ட் மேரிஸ் கல்லூரியில் பட்டம் பெற்றார்.2003ம் ஆண்டு ஏப்ரல் மாதம் மிர்சா இந்திய பிடேறேஷன் கோப்பை குழுவில் சேர்ந்து அனைத்து மூன்று ஒற்றையர்கள் ஆட்டங்களிலும் வெற்றி பெற்றார். 2003ம் ஆண்டில் நடந்த விம்பிள்டன் மகளிர் இரட்டையர் விளையாட்டில் ரஷ்யாவை சேர்ந்த அலிசா க்லேய்போனவுடன் ஜோடி சேர்ந்து விளையாடி பட்டம் பெற்றார்.
மகளிர் டென்னிஸ் விளையாட்டு வீராங்கனைகளில் மிர்சா இந்தியாவிலிருந்து ஒற்றையர் விளையாட்டில் 27ம் தர வரிசையிலும் இரட்டையர் விளையாட்டில் 18வது தர வரிசையிலும் அடைந்து,மிக அதிகப் படியான தர வரிசையில் இடம் பெற்றவராவார். அவர் கிராண்ட் ஸ்லாம் டென்னிஸ் விளையாட்டுப் போட்டித் தொடரில் இந்தியாவில் முதல் பெண்மணியாக வித்திட்ட நற்பெயரை கொண்டுள்ளார்.

.மஹேல ஜயவர்தன முப்பதாவது சதம்

இலங்கை அணியின் தலைவர் மஹேல ஜயவர்தன தனது கிரிக்கெட் வாழ்க்கையில் 30 ஆவது சதத்தை எடுத்துள்ளார்.

இலங்கைக்கான விஜயம் ஒன்றினை மேற்கொண்டிருக்கும் இங்கிலாந்து அணிக்கு எதிராக காலி மைதானத்தில் திங்கட்கிழமை(26.3.12) தொடங்கிய முதல் டெஸ்ட் போட்டியின் முதலாம் நாள் ஆட்டத்தின் போதே ஜயவர்தன இந்தச் சாதனையை படைத்தார்.

முதல் நாள் ஆட்டத்தின் முடிவில் இலங்கை அணி எட்டு விக்கெட்டுகள் இழப்புக்கு 289 ஓட்டங்களை எடுத்துள்ளது. மஹேல ஜயவர்தன 168 ஓட்டங்கள் எடுத்து ஆட்டம் இழக்காமல் இருக்கிறார்.
தனது 129 ஆவது டெஸ்ட் போட்டியில் விளையாடிவரும் மஹேல ஜயவர்தன அதில் 10,000 க்கும் அதிகமான ஓட்டங்களை எடுத்துள்ளார். 1997 ஆம் ஆண்டு ஆகஸ்ட் மாதம், இந்திய அணிக்கு எதிராக கொழும்பிலுள்ள ஆர்.பிரேமதாஸ விளையாட்டரங்கில் தனது டெஸ்ட் கிரிக்கெட் வாழ்க்கையை அவர் தொடங்கினார்.
2006 ஆம் ஆண்டு ஜூலை மாதம் கொழும்பிலுள்ள எஸ்எஸ்ஸி விளையாட்டு மைதானத்தில் தென் ஆப்பிரிக்க அணிக்கு எதிராக விளையாடிய டெஸ்ட் போட்டியில் அவர் 374 ஓட்டங்களை எடுத்தார். டெஸ்ட் போட்டிகளில் அவர் எடுத்த அதிகபட்ச ஓட்டங்களும் அதுவே.
இங்கிலாந்து அணிக்கு எதிராகவே ஆவர் அதிகபட்ச சதங்களை எடுத்துள்ளார்.
இதுவரை டெஸ்ட் போட்டிகளில் அடித்துள்ள 30 சதங்களில் 7 இங்கிலாந்து அணிக்கு எதிராக அடிக்கப்பட்டவை. அடுத்து இந்தியாவுக்கு எதிராக 6 சதங்களும், தென் ஆப்பிரிக்காவுக்கு எதிராக 5 சதங்களும் அவர் அடித்துள்ளார்.

ஒரு நாள் போட்டி ஒன்றில் மஹேள ஜெயவர்தன

வங்கதேசத்துடன் நான்கு சதங்களும், நியூசிலாந்து அணிக்கு எதிராக மூன்று சதங்களும் அடித்துள்ள மஹேல ஜயவர்தன, ஆஸ்திரேலிய அணியுடன் ஆடும்போது இரண்டு சதங்களும், மேற்கிந்திய தீவுகள், பாகிஸ்தான் மற்றும் ஜிம்பாப்வே அணிகளுக்கு எதிராக ஒரு சதமும் அடித்துள்ளார் என்பது குறிப்பிடத்தக்கது.
சராசரியாக டெஸ்ட் போட்டிகளில் அவர் 51 ஓட்டங்களை பெற்றுள்ளார். இலங்கை அணிக்கு இதற்கு முன்னரும் அவர் தலைமையேற்றிருந்தார்.
டெஸ்ட் போட்டிகளில் இலங்கை அணியின் சார்பில் அதிகபட்ச சதங்களை அடித்துள்ளவரும் மஹேல ஜயவர்தன தான்.
இது தவிர 373 ஒருநாள் போட்டிகளிலும் அவர் விளையாடி பத்தாயிரத்துக்கும் அதிகமான ஓட்டங்களை எடுத்துள்ளார்

தனது வளர்ச்சியை நிறுத்திய உலகின் உயரமான மனிதர்

துருக்கி நாட்டைச் சேர்ந்த சுல்தான் கோசென்(Sultam Kosan) கடந்த 2011ம் ஆண்டில் உலகின் உயரமான மனிதராக கின்னஸ் சாதனைப் புத்தகத்தில் இடம்பெற்றுள்ளார். எட்டு அடி 3 அங்குலம் உயரமாக இருந்த கோசென் Acromegaly என்ற வளர்ச்சி நோயின் காரணமாக பிறந்தது முதல் இன்று வரை வளர்ந்து கொண்டே இருந்துள்ளார். இவரின் இந்த வளர்ச்சிக்கு பிட்யூட்டரி சுரப்பியில் ஏற்பட்டுள்ள கட்டிதான் காரணம் என்று கண்டறியப்பட்டுள்ளது.இதனையடுத்து சுவீடன் நாட்டில் தயாரான ஒரு மருத்துவக்கருவியை அறுவைச் சிகிச்சையின் மூலம் மருத்துவர்கள் கோசெனின் கபாலத்திற்குள் செலுத்தி பிட்யூட்டரி சுரப்பியில் உள்ள கட்டியை அகற்றியுள்ளனர்.

எனவே இவர் இனி வளர வாய்ப்பில்லை என்றும் மருத்துவர்கள் தெரிவித்துள்ளனர். ஊடகங்கள் இந்த மருத்துவ சிகிச்சை பற்றிய விபரங்களை பொது மக்களுக்கு வெளியிட்டுள்ளது.கோசென் தற்போது வளரவில்லை என்பதை வெர்ஜினியா பல்கலைக்கழக அதிகாரிகளும் உறுதி செய்துள்ளதால் இந்த சிகிச்சை குறித்த விவரங்களும் கின்னஸ் புத்தகத்தில் இடம்பெற்றுள்ளதாக தகவல்கள் தெரிவிக்கின்றன.

மேலும் இது குறித்து வெர்ஜினியா பல்கலைக்கழகத்தின் மூளை அறுவை சிகிச்சை நிபுணரான ஜேசன் ஷீஹான்(Jason Sheehan) கூறுகையில், இந்தச் சிகிச்சை நல்ல பலன் அளித்துள்ளதாகத் தெரிவித்துள்ளார்.

SMS வழியாக பேஸ்புக்கை உபயோகிப்பதற்கு

மொபைல் எண்ணை பதிவு செய்வது எப்படி: 
முதலில் உங்களின் பேஸ்புக் கணக்கில் நுழைந்து கொள்ளுங்கள். அதில் Account Settings பகுதிக்கு செல்லுங்கள்.
அடுத்து உங்களுக்கு இன்னொரு விண்டோ திறக்கும் அதில் Mobile என்பதை கிளிக் செய்யுங்கள்.
பிறகு வரும் விண்டோவில் Add a Phone என்ற பட்டனை கிளிக் செய்யவும். அடுத்து ஒரு விண்டோ ஓபன் ஆகும்.

முதலில் நீங்கள் வசிக்கும் நாட்டினை தேர்வு செய்து கொண்டு அடுத்து கீழே உள்ளதி உங்கள் மொபைலின் Service Provider தேர்வு செய்து கொள்ளுங்கள்.
ஒருவேளை உங்களுடைய Service Provider அந்த பட்டியலில் இல்லை என்றால் Other Carrier என்பதை தேர்வு செய்து கொள்ளுங்கள்.
Next பட்டனை அழுத்தவும். இன்னொரு விண்டோ திறக்கும்.
இப்பொழுது உங்கள் மொபைல் போனில் F என டைப் செய்து அங்கு கொடுத்திருக்கும் எண்ணுக்கு SMS அனுப்புங்கள். (ஒவ்வொரு நாட்டிற்கும் மொபைல் எண் வேறுபடும்)
நீங்கள் SMS அனுப்பிய உடனே உங்களுக்கு ஒரு பதில் SMS வரும் அதில் உள்ள Confirmation code குறித்து கொண்டு இங்கு கொடுக்கப்பட்டிருக்கும் கட்டத்தில் கொடுக்கும் மற்றும் உங்களுடைய மொபைல் எண் மற்றவர்களுக்கு தெரிய கூடாது என்றால் Share my mobile number with my friends என்பதில் உள்ள டிக் மார்க் நீக்கி விட்டு Next பட்டனை அழுத்தவும்.
அவ்வளவு தான் உங்களின் மொபைல் எண் பேஸ்புக்கில் பதிவு செய்யப்பட்டு விடும். மற்றும் அதில் உள்ள settings உங்களுக்கு தேவையான படி மாற்றி வைத்து கொள்ளுங்கள்.
இனி நீங்கள் பதிவு செய்யப்பட மொபைல் SMS வழியே பேஸ்புக்கை உபயோகிக்கலாம்.
SMS வழியாக பேஸ்புக்கை உபயோகிக்கும் முறை: 
மொபைல் SMS மூலம் உபயோகிக்க கீழே உள்ள முறைகளை பயன்படுத்தவும். பேஸ்புக் சுவரில் எழுத சாதரணமாக SMS டைப் பண்ணி முன்பு குறிப்பிட்ட எண்ணுக்கு அனுப்பினால் போதும் சுவரில் அப்டேட் ஆகிவிடும்.
புதிய நண்பரை சேர்க்க – add your friend name.
Subcribe செய்ய – Subscribe your friend name.

வளர்ந்து விட்ட தொழில் நுட்பத்தில் எல்லாமே சுலபமாகி விட்டது. பிரபல சமூக தளமான பேஸ்புக் தளத்தில் பல எண்ணற்ற வசதிகள் கொடுத்துள்ளனர்.
அதில் ஒரு முக்கியமான வசதியாக கணணி இல்லாமல் இணைய இணைப்பு இல்லாமல் மொபைல் SMS வழியாக பேஸ்புக்கை உபயோகிக்கலாம்.
இதற்கு முதலில் உங்கள் மொபைல் எண்ணை பேஸ்புக்கில் பதிவு செய்ய வேண்டும்.

இதயமின்றி உயிர்வாழும் உலகின் முதலாவது மனிதன்

இதயத்தில் ஏற்பட்ட மாற்றமுடியாத நோயினால் தனது வாழ்நாளின் இறுதிக்கட்டத்தில் வாழ்ந்து கொண்டிருந்த கிரே லெவிஸ் எனும் 55 வயதுடைய மனிதர் இன்று இதயமே இன்று புத்துணர்வுடன் வாழ்ந்து வருகின்றார்.

கடந்த வருடம் இருதய நோயினால் பாதிக்கப்பட்டிருந்த குறித்த நபருக்கு டெக்சாசிலுள்ள இருதய நிறுவனத்தில் வேலைசெய்யும் இரு வைத்தியர்களின் முடிவே அவரின் எதிர்காலத்தை தீர்மானித்தது.சிகிச்சையின் போது இதயம் முற்றாக அகற்றப்பட்டு இதயத்தை போலவே செயல்படக்கூடிய “contunuos flos” எனப்படும் செயற்கை உபகரணம் பொருத்தப்பட்டது. இந்த உபகரணம் இதயம் போன்று துடிப்பதில்லை எனினும் இதயத்தை போன்றே அனைத்து செயல்பாடுகளையும் மேற்கொள்ளவல்லது.

ஒருவரை கொலைசெய்து கண்களையும் மூளையையும் தின்ற கொடூர மனிதன்

அமெரிக்காவின் கனெடிகட் மாநிலத்தில் நபரொருவரைக் கோடரியினால் தாக்கி அவரது மூளையை உட்கொண்ட நபருக்கு மனநல பரிசோதனை செய்யுமாறு நீதிமன்றம் உத்தரவிட்டுள்ளது.

டரி லிங்கோன் ஸ்மித் (35) என்ற நபரே இக்கொலையுடன் தொடர்புபட்டவராவார். இவர் கடந்த டிசம்பர் மாதம் 15 ஆம் திகதி ஏஞ்சல் கொன்சாலிஸ் என்பவரைக் கொலை செய்து அவரது மூளையையும், கண்களையும் உண்டுள்ளதாகத் தெரிவிக்கப்படுகின்றது.

அருகில் உள்ள சுடுகாடொன்றில் வைத்தே இவற்றை உட்கொண்டுள்ளதாகக் குற்றவாளி தெரிவித்துள்ளார். இக்குற்றவாளி நேற்று நீதிமன்றத்தில் ஆஜர்படுத்தப்பட்டார்.  ஸ்மித்தை மனநல பரிசோதனைக்கு உட்படுத்த வேண்டுமென இவர் சார்பில் ஆஜராகிய வழக்கறிஞர் வாதிட்டதாலேயே நீதிபதி இவ் உத்தரவை வழங்கியுள்ளார்.

இவ்வழக்கு இம்மாதம் 14 ஆம் திகதி வரை ஒத்திவைக்கப்பட்டுள்ளது.

இவருக்கு 60 வருடங்கள் வரை சிறைத்தண்டனை வழங்கப்படலாம் எனவும் இவரை விடுதலை செய்ய நேர்ந்தால் அது சமூகத்துக்கு பாரிய அச்சுறுத்தல் எனவும் அதிகாரிகள் குறிப்பிடுகின்றனர்.

அமெரிக்க தேவாலயத்தில் மகாத்மா காந்திக்கு ஞானஸ்தானம்

தேசத்தந்தை என்று அழைக்கப்படும் மகாத்மா காந்தி அவர்களுக்கு அமெரிக்காவில் சால்ட் லேக் நகரில் உள்ள மர்மோன் தேவாலயத்தில் ஞானஸ்நானம் செய்யப்பட்டது தெரிய வந்துள்ளது.

அவர் இறந்து பல ஆண்டுகள் கழித்து கடந்த 1996-ம் ஆண்டு இதை செய்துள்ளனர். இந்த தகவலை அமெரிக்காவில் உள்ள ரட்கி என்பவருக்கு மர்மோன் தேவாலயம் தற்போது தெரிவித்துள்ளது. இதை இந்து மத ஆர்வலர் ராஜன் செத் என்பவருக்கு ரட்கி மின்னஞ்சல் மூலம் தெரிவித்துள்ளார்.மேலும் காந்திக்கு ஞானஸ்நானம் செய்வித்தது தொடர்பான ஆவணங்களை மர்மோன் தேவாலயத்தில் கடந்த 16-ந் திகதி, தான் பார்த்ததாகவும் அதன்பிறகு அந்த ஆவணங்கள் காணாமல் போய் விட்டதாகவும் அவர் கூறியுள்ளார்.

மறைந்த இந்திய தலைவர் ஒருவர், பதிலி முறையில் ஞானஸ்நானம் செய்யப்பட்ட சம்பவம், உலகம் முழுவதும் இந்துக்களிடையே அதிர்ச்சியை ஏற்படுத்தி உள்ளது.

அமெரிக்காவில் வசித்து வரும் மகாத்மா காந்தியின் பேரன் அருண் காந்தியும் இச்செயலுக்கு கண்டனம் தெரிவித்துள்ளார்.

கொடிய விஷப் பாம்பை காலை உணவாக்கிய சிலந்தி

பாம்பென்றால் படையும் நடுங்கும் என்பது பழமொழியாகும். இதற்கு காரணம் தீண்டியவுடன் மனிதர்கள் இறக்க நேரிடும்.

இப்படிப்பட்ட கொடிய விஷம் கொண்ட பாம்பு ஒன்றை சிலந்தி ஒன்று தனது காலை உணவாக்கியுள்ளது.

இச்சம்பவமானது தென்னாபிரிக்காவில் இடம்பெற்றுள்ளது. தான் இடம் விட்டு இடம் நகரவும் எதிரிகளை சிக்க வைக்கவும் தனது வாயிலிருந்து வெளிவரும் ஒருவகை திரவத்தின் மூலம் உருவாக்கப்படும் வலை மூலமே அந்த பாம்பை சிலந்தி சிக்க வைத்துள்ளது.

காற்றில் மிதக்கும் அதிசயக் குழந்தைகள்

பிரபல புகைப்படக் கலைஞர் ஒருவர் தனது கற்பனைத் திறனைக் கருவாகக் கொண்டு குழந்தைகளை வைத்து மிகவும் அழகான முறையில் புகைப்படங்களை வடிவமைத்துள்ளார்.

நியூயார்க் மாநகரத்தின் Rachel Hulin நகரில் அமைந்துள்ள மலைகள், நுாலகம், வீட்டின் சமையல் அறைகள் ஆகியவற்றில் குழந்தைகள் காற்றில் மிதப்பது போன்று புகைப்படத்தினை வடிவமைத்து பார்க்கும் அனைவரையும் வியப்பில் ஆழ்த்தியுள்ளார் இந்த புகைப்படக் கலைஞர்.

இந்தப்புகைப்படங்களை பிரபல ஆங்கில நிறுவனம் விளம்பரம் செய்ய முன்வந்திருப்பதாக தகவல் வெளியாகியுள்ளன.

புடவை கட்டினால் கேன்சர்

நீங்கள் காலம் காலமாக புடவை கட்டுபவரா அப்படியானால் அடுத்த முறை புடவை கட்டும்போது மிகவும்  கவனமாகக் கட்ட வேண்டும். காரணம் இருக்கிறது… உள்பாவாடை நாடாவை இறுக்கிக் கட்டுவதால் தோல் பாதிக்கப்பட்டு புற்றுநோய் வரக்கூடும் என்று எச்சரிக்கிறது இந்தியன் மெடிக்கல் அசோசியேஷன் ஆய்வு.

இப்பிரச்னையால் 3 பெண்கள் பாதிக்கப்பட்டு சிகிச்சை பெறுவதாக இன்னொரு குண்டு போட்டுள்ளார் மும்பை கிராண்ட் மருத்துவக்கல்லூரி பேராசிரியர் ஜி.டி.பாக்ஷி புடவை கட்டினால்கூட புற்றுநோய் தாக்குமா, என்ன ஆச்சரிய அதிர்ச்சியோடு சரும சிகிச்சை நிபுணர் முருகுசுந்தரத்தை அணுகினோம்.

தமிழ்நாட்டில் 70 சதவிகித பெண்களின் பாரம்பரிய உடை புடவை. பண்டிகை, திருமணம் போன்ற விசேஷங்களுக்கு புடவை கட்டுவது காலம் காலமாக சம்பிரதாயம். புடவை நழுவாமல் இருக்க உள்பாவாடையை இறுக்கிக் கட்டுவது வழக்கம்.

அதனால் இடுப்பு பகுதியில் தழும்பு அல்லது சருமம் கருப்பாக மாறுமே தவிர, என் மருத்துவ அனுபவத்தில் சேலை புற்றுநோய் பாதிப்பை கேள்விப்பட்டது கிடையாது. தழும்பு மற்றும் சரும பிரச்னை உள்ளவர்கள், பாவாடை நாடாவை தளர்வாகக் கட்டிக் கொள்ளலாம்.

மெல்லிய நாடாவுக்கு பதில் பட்டை போல வைத்துக்கொண்டால், தழும்பு ஏற்படாது. ஒரே இடத்தில் கட்டாமல், பாவாடை முடிச்சை மாறி மாறி கட்டலாம் என்கிறார்.

பொதுவாக மார்பகம் மற்றும் கர்ப்பப்பை புற்றுநோய் பெண்களை அதிகம் பாதிக்கும் நோய். புடவை கட்டுவதால் இடுப்புப் பகுதியில் புற்றுநோய் ஏற்படும் என்பது புதிய தகவல். அந்த பிரச்னையோடு இதுவரை யாரும் வந்ததில்லை. சிலருக்கு சருமத்தில் புற்றுநோய் பாதிப்பு ஏற்பட்டு இருக்கலாம்.

பாதிக்கப்பட்ட பகுதியை  பாவாடை நாடா கொண்டு இறுக்கும்போது, நோயின் தன்மை வெளிப்பட்டு இருக்கும் என்கிறார் சென்னை புற்றுநோய் மையத்தின் புற்றுநோய் நிபுணர் டாக்டர் சாகர்.

புடவை பெண்களுக்கு டாக்டர் டிப்ஸ்

பாவாடை நாடாக்களை இறுக்கிக் கட்டக்கூடாது.
பாவாடை நாடாவை மெல்லிய கயிறால் கட்டாமல் பட்டையான கயிறு கொண்டு கட்டலாம்.
பாவாடைக்குக் கயிறு பயன்படுத்தாமல், பட்டையாக பெல்ட், லூப் போல தைத்துக் கொள்ளலாம். நாடா பட்டையாக இருப்பதால் அழுத்தம் மற்றும் தழும்பு ஏற்படாது.
ஒவ்வொரு முறை புடவை கட்டும்போது பாவாடை முடிச்சை வலது, இடது என மாற்றி கட்டிக் கொள்ளலாம்.
சருமத்தில் தழும்பு ஏற்பட்டால் உடனடியாக சரும நிபுணரை அணுகவேண்டும்.

மக்கள் உரிமையை மறுக்கும் வினோத கிராமம்

உத்தர பிரதேசத்தில் உள்ள ஒரு கிராமத்தில் பெண்களுக்கு இது நாள் வரை ஓட்டு போட உரிமை அளிக்கப்படாமல் உள்ளது.மேலும் ஓட்டு போடுவது ஜனநாயகக் கடமை என கூறப்பட்டு வரும் நிலையில் இந்த மாநிலத்தின் லக்கிம்பூர் கெரி மாவட்டத்தின் செருவா கிராமத்தில் பெண்கள் ஓட்டளிக்க அனுமதிக்கப்படாத நிலை காணப்படுகிறது. சுதந்திரம் அடைந்த நாள் முதல் இந்த கிராமத்தில் தேர்தல் நடைபெறும் போதெல்லாம் பெண்களை ஓட்டு போட அனுமதிப்பதில்லை.

இந்த வினோத நடவடிக்கை குறித்து கிராம பெரியவர் நசீர் கானிடம் கேட்ட போது, தேர்தல் நேரத்தில் கிராமத் தலைவர் எங்களை அழைத்து யாரெல்லாம் ஓட்டு போடப் போகிறீர்கள். யாரெல்லாம் உங்கள் வீட்டு பெண்களை ஓட்டு போட அனுப்பப் போகிறீர்கள் என கேட்பார். நாங்களும் வழக்கப்படி பெண்களை ஓட்டு போட அனுப்ப மாட்டோம் என சொல்லி விடுவோம் என்றார்.

இந்த கிராம பெண்களிடமும் ஏன் நீங்கள் ஓட்டு போடுவதில்லை என கேட்டால்? ஓட்டு போடாதது எங்களது பாரம்பரியமாக உள்ளது. அதை முன்னோர்களைப் போல நாங்களும் பின்பற்றி வருகிறோம் என்கிறார்கள்.

முஸ்லிம் கிராமம் என்பதால் இந்த சமூக பெண்கள் தான் இப்படி என்றால் இக்கிராம இந்து பெண்களும் ஓட்டு போடுவதில்லை. இது எங்கள் கிராமத்தில் தொன்று தொட்டு இருந்து வரும் பழக்கம் என்கிறார்கள்.

இந்த கிராமத்தை சேர்ந்த பார்கவா என்பவர் தெரிவிக்கையில், எங்கள் குடும்பப் பெண்கள் மட்டும் ஓட்டு போடுவார்கள். என் மனைவி, மகள், மருமகள் மூன்று பேரையும், ஓட்டு போட நான் அனுமதித்து வருகிறேன். எங்கள் கிராமத்தில் இந்த மூன்று பெண்கள் தான் ஓட்டு போட்டு வருகிறார்கள் என்றார்.